Ekonomio di Bielorusia
| Ekonomio di Bielorusia | ||
|---|---|---|
| Pekunio | Rublo di Bielorusia | |
| Internaciona organizuri | KNS | |
| Statistiki [1] | ||
| Totala nacionala produkturo (TNP) | US$ 179,97 miliardi (2020) | |
| Rango TNP | 70ma[2] maxim granda | |
| Kresko di TNP | 1,22% (2020) | |
| TNP po persono | US$ 19 100 | |
| TNP segun sektoro | agrokultivo 8,1%, industrio 40,8%, servadi 51,1% | |
| Inflaciono | 5,6% (2019) | |
| Habitantaro sub la povreso-lineo | 5% (2019) | |
| Laboro-povo | 4 381 000 (2020) | |
| Laboro-povo segun okupado | agrokultivo 9,7%, industrio 23,4%, servadi 66,8% (2015) | |
| Chomeso | 0,8% (2017) | |
| Komercala parteneri [1] | ||
| Exportaci (US$) | 37 040 milioni (2020) | |
| Precipua parteneri | Rusia 42%, Ukraina 13%, Unionita Rejio 7% (2019) | |
| Importaci (US$) | 35 160 milioni (2020) | |
| Precipua parteneri | Rusia 57%, Popul-Republiko Chinia 7%, Polonia 5%, Germania 5%, Ukraina 5% (2019) | |
| Publika financi [1] | ||
| Extera debo | 39 847 milioni (2019) | |
| Revenuo totala (US$) | 22,15 miliardi (2017) | |
| Spenso totala (US$) | 20,57 miliardi (2017) | |
| Noto: Ecepte kande kontree mencionata, valori en ca tabelo esas en Usana dolari | ||
Kom parto del anciena Sovietia, Bielorusia havis importanta, malgre anciena, industriala bazo. Ol mantenis ca industriala bazo - qua nun esas obsoleta, poke efikema pri konsumo di energio, dependanta del energio furnisata da Rusia e del aceso a Rusa merkato.[1] Dum 2015 e 2016 lua ekonomio diminutis per 3,9% e 2,6%, rispektive.[1] La lando anke havas importanta agrokultivo, malgre poke efikema e dependanta de subsidiaji.[1]
L'ekonomio diminutis multe pos la krulo di Sovietia, ma komencis kreskar en 2000 pro l'augmento di preci di petrolo. Bielorusia havas poka jaceyi di petrolo, ed importacas petrolo e naturala gaso de Rusia po preci infre olta dil internaciona merkato. Ol pose exportacas produkturi de petrolo po merkata preci.[1] Pro deskonsenti pri la preci di la petrolo furnisita, en 2010 Rusia suspensis l'exportaci di petrolo por Bielorusia, ecepte por interna konsumo di la lando, til ke la du landi establisis konkordo pri preci.[1]
En 2006, la komerco kun Rusia diminutis, ma la komerco kun Europana Uniono kreskis. Tamen, la kolokado en Bielorusian ekonomio sen origino Rusa duras esar poka. Depos 2012 l'ekonomio duras stagnata.[1]
Pos 2005, la guvernerio rinacionaligis multa privata firmi. Nun, cirkume 80% del industrii kontrolesas dal stato.[1] L'industrio di kamioni e traktori esas un ek la maxim importanta de la lando. Ye la 1ma di januaro 2010 Rusia, Kazakstan e Bielorusia lansis dogan-uniono, ma komercala e doganala reguli duras negociesar.[1]